کوردستان
کارگێریا یانەیا دهۆک بەیاننامەیەک ل دوور روودانێن دگەل یانەیا جەویە بەلاڤکر
2026-01-08 , 11:39
کوردستان دهوك دیجیتال میدیا
کارگێریا یانەیا دهۆک د بەیاننامەیەکێ دا ڕاگەهاندیە:”پشتی كارگێرییا یانهیا جهوییه یا بهرێز بهیانامهیا خۆ لسهر روودانێن یارییا دوهی بهلاڤكری ئهم حێبهتی ماین ژ ناڤرۆكا وێ و مه ژی دڤێت بهرهڤانیێ ژ خۆ بكهین.”
دەقێ بەیاننامەیا یانەیا دهۆک:
پشتی كارگێرییا یانهیا جهوییه یا بهرێز بهیانامهیا خۆ لسهر روودانێن یارییا دوهی بهلاڤكری ئهم حێبهتی ماین ژ ناڤرۆكا وێ و مه ژی دڤێت بهرهڤانیێ ژ خۆ بكهین ، و یانهیا دهۆك و پشتهڤانێن وێ یا دووره ژ وان ئاخفتنا.
عیراقێ ههموو دزانیت كو یانهیا دهۆك ئێكهم یانه بوو ماركتینگ بۆ خولا ستێرێن عیراقێ برێكا ئاههنگا دهستپێكرنێ كری و ههموو دهمان یا پێشهنگ بوویه بۆ سهرئێخستنا وێ و باوهشا خۆ بۆ ههر كارهكێ باش ڤهكری و سهركهفتنا خولێ ژی ئێك بوو ژوان .
دڤێت بزانین كو روودانێن یارییا مه دگهل جهوییه ل خولهكا 92 بوون و مە هەمی بەلگە هەنە کا شەر و تێکدان کێ و ژکیڤە دەستپێکرییە ، و ژ وێ یهكێ دهستپێكرن دهمێ سێ ژ كارگێرێن تیما وێ هێرش كرییه لسهر ههلگرێ تهپێ یێ 12 سالی و ب توندی هاتییه ئێشاندن و پاشان وهكو نهرازیبوونهك لسهر وان رهفتاران 5 ژ جهماوهری هاتنه دناڤا یاریگههێ دا و یاریكهرێن جهوییه هێرش كره سهر و ئێشاندن سهرباری هندێ كو لبن كۆنترۆلا هێزێن ئێمناهیێ ڤه بوون .
د پهیوهندییهكا تلهفونی دا سهرۆكێن یانهیێن دهۆك و جهوییه لسهر داوی پێشهات راوهستیاینه و گوتوبێژكرینه و سهرۆكێ یانهیا دهۆك دیاركرییه كو دهستپێشخهر بین بۆ ههر كارهكی و بڤان روودانان دلگران بووین و ههموو پشتهڤانێن دهۆكێ ژی پێنهخۆش بوویه ، و ئهو كهسێن هاتینه دناڤا یاریگههێ دا هاتینه دهستهسهركرن و دێ یانهیا دهۆك سكالایێ لسهر تۆماركهت .
رستا توندا دلێ مه پێ ئێشای ( ئهم لژێر گهفابووین و دا هێینه كوشتن) چ راستی بۆ نینه و تاوهكو ژپارێزگهها دهۆكێ دهركهفتین ژی چ تشتێ دی روونهدایه و هێزێن ئهمنی كارێ خۆ ب رێكوپێكێ كرییه دڤێت ئهم و راگههاندن و پشتهڤان ههموو پێكڤه هاریكار بین داكو خول بشێوهكێ جوان برێڤهبچیت و ل یاریێن بهێت پتر لسهر ڤێ یهكێ براوهستیێن و رێكارا توندتر لێبكهین داكو ئهڤ یهكه دوباره نهبیت و نه ئێكودوو تومهتباربكهین بهلكو ببینه تمامكهرێن ههڤدوو بۆ بنبركرنا ڤێ دۆخێ .
كارگێرییا یانهیا دهۆك