کوردستان
رێڤەبەرێ بانکەکێ نێزیکی حەفت ملیار دینار دزین
2026-01-09 , 06:41
کوردستان دهوك دیجیتال میدیا
دەستەیا دەستپاکیا ئیراقێ راگەهاند: رێڤەبەرێ بەنکا "التنمية الدولي" تایێ میسان کۆژمێ 6 ملیار و 771 ملیۆن و 10 هزار دینارێن ئیراقی ب هاریکایا فەرمانبەرێ قاسێ، هاریکارێ رێڤەبەری و ژمارەکا دی یا کارمەندێن بەنکێ رادەستی هندەک کەسێن نەدیار کربوون و ئەو کۆژمێ پارەی دزیبوو، لەورا ل دویڤ ماددەیێ 315 ژ یاسایا سزایان یا ئیراقێ فەرمانا گرتنێ بۆ وان کەسان دەرکەفتیە.
ژێدەری هەروەسا دیار کر: رێڤەبەرێ بەنکا "التنمية الدولي" تایێ میسان نوکە هاتیە گرتن و دویڤچوونا کەسێن دی دهێتە کرن یێن فەرمانا گرتنێ بۆ دەرچووی.
ژێدەری دا زانین ژی: گرتنا وی رێڤەبەری ب هەڤکاری و هەماهەنگی د ناڤبەرا دەستەیا دەستپاکیێ و دەزگەهێ هەوالگیریا ئیراقێ دا بوو.