کوردستان
ئاریشەیا مووچەی ب تەمامی هاتیە چارەسەرکرن
2026-01-12 , 22:46
کوردستان دهوك دیجیتال میدیا
پەڤدارێ وەزارەتا دارایی و ئابوورییا حکومەتا هەرێما کوردستانێ راگەهاند، ئاریشەیا مووچەی ب تەمامی هاتیە چارەسەرکرن، ئەڤەژی پشتی ڕێككەفتنا سەرۆكوەزیران مەسرور بارزانی و محەممەد شیاع سوودانی سەرۆكوەزیرانێ
عێراقێ.
هونەر جەمال، پەیڤدارێ وەزارەتا داراییا حکومەتا هەرێما کوردستانێ د كۆنگرەیەكێ ڕۆژنامەڤانیدا راگەهاند: بتەمامی پرسا مووچەی هاتیە چارەسەرکرن ئەڤەژی د سەرەدانا ئەڤێ حەفتەیێ یا محەممەد شیاع سوودانی، سەرۆکوەزیرانێ عێراقێ بۆ ئەمریکا جەخت لسەر هاتیە کرن، بابەتێ مووچەیێ فەرمانبەرێن هەرێما کوردستانێ چارەسەر بوویە و پرسا مووچە چدیکە نابیتە ئاریشە، ژبەرکو مافەکێ بنەڕەتیێ مووچەخۆرێن هەرێما کوردستانێیە.
پشتی ڕێککەفتنا سەرۆکوەزیران مەسرور بارزانی و محەممەد شیاع سوودانی سەرۆكوەزیرانێ عێراقێ، بڕیارە مووچە ل هەمی ئاریشەیان بهێتە جوداکرن و مەهانە د دەمێ خۆدا بهێتە هنارتن.