کوردستان
بەرپرسێ لقێ ئێک دیڤچوونا کێماسيێن ساخلەمیا سێمێلێ دکەت
2026-01-12 , 08:12
کوردستان دهوك دیجیتال میدیا
پشتی دیڤچوونەکا بەردەوام ژ لایێ دکتۆر نەوزاد عەبدولڵا بەرپرسێ لقێ ئێک بۆ کێشە و کێم و کاسیێن ساخلەمیا قەزا سێمێلێ ھاتیە ئەنجامدان، ئەڤرۆ ڕێکەفتی ٢٠٢٤⁄٤⁄٢٧ ل نەخۆشخانا سێمێلێ، ب ئامادەبوونا د.نەوزاد عەبدولڵا بەرپرسێ لقێ ئێک، د.سامان بەرزنجی وەزیرێ ساخلەمیا حکۆمەتا ھەرێما کوردستانێ، ماجد سەید ساڵح جێگرێ پارێزگارێ دھۆکێ، خەلیل مەحمود قایمقامێ قەزا سێمێلێ و دکتۆر ئەفراسیاب ڕێڤەبەرێ گشتیێ ساخلەمیا پارێزگەھا دھۆکێ و ڕێڤەبەرێ ساخلەمیا قەزا سێمێلێ دووڤچوونا کێماسیێن کەرتێ ساخلەمیێ ل سێمێلێ هاتە کرن.
وەزیرێ ساخلەمیێ ل دویڤ داخوازیێن لقێ ئێک سوز دا ئەوا د شیاندا بیت بۆ قەزا سێمێلێ بهێتە كرن. هەر چەندە حكومەتا هەرێما كوردستانێ بەری نوكە ژی چەندین پروژێن خزمەتگوزاری و ساخلەمیێ بۆ قەزا سێمێل ئەنجام داینە، پاشی بەرپرسێ لقێ دگەل وەزیرێ ساخلەمیێ سەرەدانا نەخوشخانا سێمێل یا گشتی کرن و گەڕیانەك دناڤ هەموو پشكێن وێدا كرن و ژ نێزیك ئاگەهداری رەوشا نەخوشخانێ بوون.
