کوردستان

ژبەر فرۆتنا دەرمانێن حکومی دەرمانخانەک هاتە داخستن

کوردستان دهوك دیجیتال میدیا

رێڤەبەریا کۆنتڕۆلا جۆری یا دەرمانان سەر ب وەزارەتا ساخلەمیێ ئاشکراکر کو ژ ئەگەرێ فرۆشتنا دەرمانێن حکۆمی MOH، دەرمانخانەک ل هەولێرێ داخست.

رێڤەبەریا کۆنتڕۆلا جۆری یا دەرمانان بەلافکریە: "ئەڤڕۆ دوشەمب 20/5/2024، تیمێن چاڤدێرییا بازاڕی یێن کۆنتڕۆلا جۆری یا دەرمانان، ب هەماهەنگی دگەل پۆلیسێن شارەوانیێ و قایمقامیا قەزا ناوەندییا هەولێرێ، د درێژیا هەولێن بەردەوامێن بۆ رێکخستنا بازاڕێ دەرمانان، ب هۆکارێ فرۆشتنا دەرمانێن حکۆمی MOH، دەرمانخانەک ل هەولێرێ داخست."

ئاماژەکر کو خودانێ دەرمانخانێ دێ رێکارێن یاسایی ل بەرامبەر هێنە وەرگرتن.

ئەوژی ئاشكراكر دەرمانێن محکۆمی MOH، ئەو دەرمانن کو وەزارەتا تەندروستییا حکۆمەتا هەرێما کوردستانێ ل نەخۆشخانە و بنکەهێن تەندروستی، وەک خزمەتگوزارییێن گشتی بۆ وەلاتیان دابینکرینە و وەلاتی ب هەروا وەردگرن.

داخاز ژ وەلاتیان كریە، كو ل ئەگەرێ دیتنا هەر سەرپێچییەکێ پەیوەندیێ ب هێلا گەرم یا رێڤەبەریێ بکەن، 07502356000.