کوردستان

سالانە پتری دوو ملیون کەسان ژ بەر ڤی ئەگەری د مرن

کوردستان دهوك دیجیتال میدیا

سالانە زێدەتری 2 ملیۆن كەسان ب ئەگەرێ جگارەكێشانێ و ڤەخارنێن كحولی و خارنێن بلەز دمرن

ڕێکخراوا ساخلەمییا جیهانی د نویترین ڕاپۆرتا خۆ دا ئاشکەراكر، سالانە ل ئەوڕۆپا ب لایەنێ كێم دوو ملیۆن و 700 هزار كەس ب ئەگەرێ ڤەخارنێن كحولی، جگاران و خارنێن بلەز گیانێ خۆ ژدەستددەن.

د. هانس هێنری، سەرۆکێ ڕێكخراوا ساخلەمییا جیهانی ل ئەوڕۆپا ڕاگەهاند، چەندین ڕیكلام و بانگەشەیێن نەڕاست بۆ ڤان بەرهەمان دهێنەكرن و ژبلی چەواشەكارییێ و مەرەمێن بازرگانی، چ تشتێ دی تێدا نینە و پێدڤییە پێنگاڤێن بلەز بۆ كۆنتڕۆلكرنا ڤان بەرهەمان بهێنە هاڤێتن.

لدویڤ ئامارێن ڕێكخراوێ دیاركرین، 25.5% یا ئەگەرێ گیان ژدەستدانا خەلكی ب شێوەیەكێ گشتی ب ئەگەرێ كێشانا جگاران و خارنا خارنێن بلەز و ڤەخارنا كحولی یە.


ڕێکخراوێ چەند ڕێیەك بۆ باشترکرنا شێوازێ ژیانێ و کێمكرنا ئەگەرێ مرنا پێشوەخت پێشنیاركرینە، ئەوژی:

- گرنگیدان ب خارنا كەسكاتی و فێقی
- ڕێکخستنا دەمێ نڤستنێ، ڕۆژانە 7 بۆ 9 دەمژمێران
- ڤەخارنا ڕێژەیێن باش یێن ئاڤێ و شێدار هێلانا لەشی
- دویرکەفتن ژ كحولی، جگارە و نارگیلێ
- کێمكرنا فشارێن دەروونی
- گرنگیدان ب وەرزشێ و چالاکییێن لەشی، ب لایەنێ كێم ڕۆژانە هەتا دوو دەمژمێران وەرزش بهێتەكرن