جیهان

ئەڤساڵ ژمارەکا ترومبێلێن ناڤدار دێ خاتر خازن.

کوردستان دهوك دیجیتال میدیا

ب زاراڤێ بادینی:

هندەک ژ کۆمپانیێن ئۆتۆمبێلا ئاشکرا کرینە کو ئەڤ سال ب ئەگەرێن جودا دێ داوی ب بەرهەمئینانا هندەک ژ مۆدێلێن خوە ئینن.

وێنێ مەزن: هەردوو جۆرێن چێڤرۆلێت کامارۆ و مالیبۆ، فۆرد ئیدج، دۆج رام TRX 1500، میتسیبوشی میراج، نیسان GTR، نیسان تایتن دێ بەرهەمئینانا وان راوەستیت.

دانوستاندنێن فەرمی: کۆمپانیا چێڤرۆلێت راگەهاند کو ئەڤ سال دێ داوی ب بەرهەمئینانا دوو مۆدێلێن ئۆتۆمبێلا ئینیت: کامارۆ (Chevrolet camaro) کو ژ نفشێ شەشێ یە دگەل مالیبۆ (Chevrolet Malibu) پشتی بەرهەمئینانا نەه نفشا و فرۆتنا پتر ژ 10 ملیۆن ئۆتۆمبێلا ل سەرانسەری جیهانێ.

هەردوو کۆمپانیێن فۆرد و میتسیبوشی راگەهاندن کو دێ داوی ب بەرهەمئینانا مۆدێلێن فۆرد ئێج و میراج ئینن. فۆرد ئەو ژی خستیە بەرچاڤ کو گرنگیێ ب فرەهکرنا جۆرێن F ددەت.

پشتی 17 سالان ژ بەرهەمئینانێ، کۆمپانیا نیسان دێ بەرهەمئینانا مۆدێلا GT-R بۆ باکوورێ ئەمریکا راوەستینیت. هەروەسا ئەڤ سال دوماهیک مۆدێلا نیسان تایتن دێ کەڤیتە بازارێ و پاشی دێ بەرهەمئینانا وێ ب تەمامی راوەستیت.

ئەڤە ژی بزانە: کۆمپانیا دۆج سالا بوری داوی ب بەرهەمئینانا مۆدێلا رام ئینا، لێ بریار دا کو ئەڤ سال تنێ 4000 دانەیێن دی وەک دوماهیک وەشان بۆ حەزکەرێن پیکاب ل سەرانسەری جیهانێ بەرهەم بینیت.