جیهان

هەوالەکا خوەش بۆ وان کەسان یێن دخوازن بۆ کارکرنێ بچنە ئەورۆپا

کوردستان دهوك دیجیتال میدیا

هەر ئێک ژ یۆنان، ئیتالیا، ئێستۆنیا و سلۆڤاکیا مەرجێن دانا مافێ مانێ (یان کارتا شین) کێمتر کرینە.

سوێد ژی دخوازیت مەرجان هێسانتر بکەت.

کارتا شین بۆ وان کەسانە یێن کو د وارەکێدا شارەزایی یا بلند هەی و یەکێتیا ئەورۆپا پێدڤی ب وانە؛ هەر وەلاتەکێ د ناڤ یەکێتیێدا ئازادە کو مەرجان گران یان هێسان بکەت.

یۆنان ژ نوکە و پێڤە رێ ددەتە وان کەسان یێن ب ڤیزا کورت و تەنێ بۆ سەرەدانێ چوینە وی وەلاتی داخوازا کارتا شین بکەن. هەر کەسەک ل یۆنان داخوازا وێ کارتێ بکەت دڤێت 300 یۆرۆ بدەت. ئەگەر کارت وەرگرت، بۆ 2 سالان مافێ مانێ دێ هەبیت و ئەگەر خواست نوی بکەت، دڤێت 450 یۆرۆ بدەت.

ئیتالیا ژی پۆرتالەکا دیجیتال دێ هەبیت کو خودانکارێن ئیتالی دێ دەرفەتێن کاری تێدا دانن و خەلک ژ دەرڤەی ئیتالیا دشێن داخوازیێ بۆ کارتا شین و بدەستڤەئینانا کاری بکەن.

سوێد ژی ئامادەکاریێ دکەت داکو ئەگەر کەسەک شیا کارەکێ ل وی وەلاتی بدۆزیت کو مووچا وی یا مەهانە 4300 یۆرۆ بیت، کارتا شین دێ دەتێ. هەتا نوکە دڤیا مووچە 5200 یۆرۆ با.