کەش و هەوا

به‌رێڤه‌به‌ریا كه‌شناسیێ یا هه‌رێمێ ده‌ستپێكرنا
بارانبارینێ راگه‌هاند

کوردستان دهوك دیجیتال میدیا

به‌رێڤه‌به‌ریا كه‌شناسیێ یا سه‌ر ب وه‌زاره‌تا گواستنێ یا هه‌رێمێ ڤه‌ كه‌ش و هه‌وایێ 48 ده‌مژمێرێن داهاتی راگه‌هاند و ئاماژه‌ ب وێ دا كو ل هنده‌ك ده‌ڤه‌ران نمه‌ باران دێ بارێت و پله‌یێن گه‌رمێ دێ نزم بن.

به‌رێڤه‌به‌ریا كه‌شناسیێ یا هه‌رێمێ د راگه‌هاندنه‌كێ دا ئاماژه‌ ب وێ دا كو "ئه‌ڤرۆ پێنجشه‌مب 17ێ تشرینا ئێكێ یا 2024ێ ئه‌سمان دێ ژ نیڤ-ئه‌ور هه‌تا ئه‌ورێ ته‌مام بیت. ل ده‌ڤه‌رێن چیایی یێن سنووری یێن باكوور و باكوورێ رۆژهه‌لاتێ هه‌رێمێ نمه‌ باران دێ بارێت، ل ده‌مێن پشتی نیڤرۆ كاریگه‌ریا بارینێ دێ پرانیا ده‌ڤه‌رێن چیایی یێن پارێزگه‌ها دهۆكێ و هه‌ولێرێ و سنوورێ ئیداره‌یا سه‌ربه‌خۆ یا سۆران و هه‌روه‌سا ئیداره‌یا سه‌ربه‌خۆ یا راپه‌رینێ ب شێوه‌یێ تاڤه‌ باران و بروسكه‌یێن هێدی ڤه‌گریت و ل ده‌مێن ئێڤارێ كاریگه‌ری دێ لاواز بیت. هه‌روه‌سا ل ده‌ڤه‌رێن باشوورێ هه‌رێمێ ئه‌گه‌رێ تۆزه‌كا سڤك هه‌یه‌".

كه‌شناسی دبێژیت: "پله‌یێن گه‌رمێ دێ نزم بن ب (2-4) پله‌یان ژ تۆماركرییێن دوهی. لێزبوونا بایی دێ 10 – 20 كیلۆمه‌تر بیت د ده‌مژمێره‌كێ دا و ئاراسته‌یا بایی دێ باشوورێ رۆژهه‌لات بۆ باكوورێ رۆژاڤا بیت و مه‌ودایێ دیتنێ دێ 8 - 10 كیلۆمه‌تر بیت و ل ده‌م و جهێن بارینێ دێ د ناڤبه‌را (5- 6) كم دا بیت".

ئه‌و ژی خسته‌ رۆ كو "سبه‌ی ئه‌ینی 18- 10- 2024 ئه‌سمان دێ نیڤ-ئه‌ور بیت ل ده‌ڤه‌رێن چیایی دێ ئه‌ورێ ته‌مام بیت، ئه‌گه‌رێ هنده‌ك نمه‌ بارانێ ل ده‌ڤه‌رێن سنوورێ باله‌كایه‌تیێ هه‌یه‌".

رۆنكر ژی كو "پله‌یێن گه‌رمێ دێ نزم بن ب (2-4) پله‌یان ژ تۆماركرییێن ئه‌ڤرۆ. لێزبوونا بایی دێ 10 – 20 كیلۆمه‌تر بیت و ل ده‌مێن پشتی نیڤرۆ بۆ ده‌مه‌كێ كورت دێ هنده‌ك چالاك بیت. ئاراسته‌یا بایی دێ باشوورێ رۆژاڤا بیت و مه‌ودایێ دیتنێ دێ 7 - 9 كیلۆمه‌تر بیت".

راگه‌هاند ژی كو به‌رزترین پله‌یێن گه‌رما یێن پێشبینیكری ب پله‌یا سیلیزی دێ ب ڤی ره‌نگی بن:

هه‌ولێر: 28 پله‌یێن سیلیزی

سلێمانی: 27 پله‌یێن سیلیزی

دهۆك: 25 پله‌یێن سیلیزی

كه‌ركووك: 30 پله‌یێن سیلیزی

هه‌له‌بجه‌: 30 پله‌یێن سیلیزی

زاخۆ: 24 پله‌یێن سیلیزی

حاجی ئۆمه‌ران: 18 پله‌یێن سیلیزی

سۆران: 27 پله‌یێن سیلیزی

گه‌رمیان: 32 پله‌یێن سیلیزی