کوردستان

وەزارەتا دارایێ هشیاریێ ددەتە مووچەخوران

کوردستان دهوك دیجیتال میدیا

وەزارەتا دارایێ یا هەرێما کوردستانێ دبێژیت، هەر کەسەک مووچەخورێ حکومەتا هەرێمێ بیت و هەتا 20-11-2024 کودێ بایۆمەتری نەبیت، ژ لایێ وەزارەتا دارایێ یا حکومەتا فیدراڵڤە مووچێ وی دێ هێتە راگرتن و ئەو بخۆ دێ بەرپرسیار بیت.

رۆژا یەکشەمبێ، 27یێ چریا ئێکێ 2024، رێڤەبەریا گشتی یا ژمێریاریێ ل وەزارەتا دارایێ یا هەرێما کوردستانێ د راگەهاندنەکێدا سێ داخاز ئاراستەی مووچەخوران کرن و راگەهاند: "ل سەر بنیاتێ وان رێککەفتن و تێگەهشتنێن دناڤبەرا وەزارەتا دارایێ و ئابووری یا هەرێما کوردستانێ و وەزارەتا دارایێ یا حکومەتا فیدراڵ دەربارەی چارەسەرکرنا پرسێن تەکنیکی یێن لیستا مووچێ یا فەرمانبەرێن هەرێما کوردستانێ هاتینە ئارا پێدڤییە" ڤان کارێن ل خوارێ بکەن:

1. هەمی ئەو مووچەخور و فەرمانبەر و خانەنشین و خودان پێدڤیێن تایبەت و وارسێن شەهیدان یێن هەتا نها (upn) نینە و خۆ ل سیستەمێ بایۆمەتری تۆمار نەکرینە پێدڤییە هەتا (20-11-2024) خۆ تۆمار بکەن.

2. بڕیارا خۆتۆمارکرنێ ل سیستەمێ بایۆمەتری هەمی وان فەرمانبەر و مووچەخوران دگریت یێن ب ئەگەرێن جودا ل دەرڤەی وەلاتینە یان مۆلەتا بێ مووچە و خواندن و هتد.

3. هەر کەسەک مووچەخورێ حکومەتا هەرێمێ بیت و هەتا دەمێ (20-11-2024) کودێ بایۆمەتری نەبیت، ژ لایێ وەزارەتا دارایێ یا حکومەتا فیدراڵڤە مووچێ وی دێ هێتە راگرتن و ئەو بخۆ دێ بەرپرسیار بیت.