کوردستان

تەندروستیا سلێمانیێ: نابیت پزیشک د شەڤان دا د دەمێ دەوامێ دا چات و فەیسبووکێ بکەت

کوردستان دهوك دیجیتال میدیا

بەرپرسێ تەندروستیا سلێمانیێ راگەهاندنەکا توند دەربارەی وان پزیشک و کارمەندێن تەندروستیێ بەلاڤکر کو "ژ بەر پارە" دەوامێ دهێلن و دبێژیت، "هەر کەسەک ئەخلاقێ پزیشکی هەبیت نابیت ژ بەر خاترا پارە دەوام و چارەسەرکرنا نەخوەشی بهێلیت."

د. سەباح هەورامی، بەرپرسێ تەندروستیا سلێمانیێ د کۆنگرەیەکا رۆژنامەڤانی دا هشیاری دا کو ئەگەر "ئێک نەخوەش بمریت ل نەخوەشخانەیەکێ ژ بەر هێلانا پزیشکی، ئەز دێ بم ئێکەم کەس کو سکالایێ تۆمار کەم."

بەرپرسێ تەندروستیێ جەخت کر، هەر پزیشکەک دەوامێ بهێلیت، کاریگەریێ ل سەر ژیانا خەلکی دروست دکەت، "ئەم ژی دێ رێکارێن یاسایی بەرامبەر وان پزیشکان گرین، نابیت پزیشکەک د شەڤان دا ل جهی چات و فەیسبووکێ بکەت و بریارا وێ بدەت کو نەخوەشخانا بهێلیت و خەلکێ هەژار کو نەشێن بچنە نەخوەشخانێن تایبەت، نەشێن چارەسەریێ وەرگرن."