کوردستان
سەرۆک بارزانی و سەرۆکێ نوی یێ پەرلەمانا عیراقێ ب تەلەفۆنێ ئاخفتن
2026-01-08 , 17:23
کوردستان دهوك دیجیتال میدیا
سەرۆک بارزانی و سەرۆکێ نوی یێ ئەنجوومەنا نوینەرێن عیراقێ ب تەلەفۆنێ ئاخفتن و پشتەڤانیا خۆ بۆ دەربڕی.
رۆژا هەینی، ١ێ تشرینا دووێ ٢٠٢٤ێ، بارەگەهێ بارزانی راگەهاند، سەرۆک مەسعود بارزانی و مەحموود مەشهەدانی، سەرۆکێ نوی یێ ئەنجوومەنا نوینەرێن عیراقێ ب تەلەفۆنێ ئاخفتن.
ل دویڤ بارەگەهێ بارزانی، د وێ پەیوەندیا تەلەفۆنی دا، سەرۆک بارزانی "پشتەڤانی و پیرۆزباهیێن خۆ ب بەڕێز مەحموود مەشهەدانی راگەهاند ژ بۆ هەلبژارتنا وی وەک سەرۆکێ ئەنجوومەنا نوینەرێن عیراقێ. د بەرامبەر دا سەرۆکێ نوی یێ ئەنجوومەنا نوینەرێن عیراقێ سوپاسیا هەلویست و پشتەڤانیێن سەرۆک بارزانی کر د چارەسەرکرنا کێشان و هەلبژارتنا سەرۆکێ ئەنجوومەنا نوینەرێن عیراقێ دا."
هەر د وێ پەیوەندیا تەلەفۆنی دا "تەئکید ل سەر چارەسەرکرن و یەکلایکرنا کێشێن هەلواسی و هەروەسا دەرباسکرنا وان یاسایان هاتە کرن کو د بەرژەوەندیا گەلێن عیراقێ دا نە و دێ بنە ئەگەرێ چارەسەرکرنا گرفتێن د ناڤ پرۆسەیا سیاسی یا عیراقێ دا."