کوردستان
بزانە رێژا خو تومارکرنێ ل هەرێما کوردستانێ چەندە
2026-01-09 , 01:30
کوردستان دهوك دیجیتال میدیا
ڕێژا ٩٤٪ـێ ژمێرەرێن ل هەرێما کوردستانێ کار دکەن و ٥٠٪ـێ کارێن خۆ کرینە
ڕێژا ٩٤٪ـێ ژمێرەرێن سەرژمێریا گشتی یا دانیشتوویان ل هەرێما کوردستانێ کار دکەن و بەرێڤەبەرێ جێبەجێکەرێ سەرژمێریێ دبێژیت "پتر ژ ٥٠٪ـێ کاران بۆ تۆمارکرنا مالباتان هاتینە کرن."
مەحموود عوسمان، بەرێڤەبەرێ جێبەجێکەرێ سەرژمێریا گشتی یا دانیشتوویان ل هەرێما کوردستانێ بۆ تۆڕا میدیایی یا روداوێ گۆت، "هەتا ئێڤارێ ئەڤرۆ، ٩٤٪ـێ ژمێرەرێن سەرژمێریا گشتی یا دانیشتوویان کارا بوون، ئەڤ ڕێژە ژی دلخۆشکەرە."
هەر ژمێرەرەک ل باژێران دناڤبەرا ٨٠ هەتا ١٢٠ مالباتان و ل گوندان دناڤبەرا ٢٥ هەتا ٤٠ مالباتان تۆمار دکەت.
مەحموود عوسمان راگەهاند "ل گۆر ڕێژا کارایی یا ژمێرەران، پتر ژ ٥٠٪ـێ کارێن تۆمارکرنا ناڤێن مالباتان ل هەرێما کوردستانێ هاتینە کرن."
ئەڤرۆ (چارشەمب، ٢٠ـێ تشرینا دووێ یا ٢٠٢٤) سەرژمێریا گشتی یا دانیشتوویان دەستپێکر، کو قۆناغا ئێکێ یا تۆمارکرنا ناڤێن مالباتان و ئەندامێن وانە و، سبەی ب هەمان شێوە دێ بەردەوام بیت بۆ تەمامکرنا پرۆسا تۆمارکرنا ناڤێن مالباتان.