کوردستان
هەژمارا من: پڕۆژهیهكێ سهركهفتی و بێ گرفت، پهرلهمانتارهكێ پارتی: “تەوتین” ب دووماهی هات
2026-01-15 , 08:04
کوردستان دهوك دیجیتال میدیا
ئهندامهكێ جڤاتا نوونهرێن عیراقێ ژ فراكسیۆنا پارتی دیموكراتی كوردستان رادگەهینیت، حكومهتا عیراقێ چ تێبینی لسهر پڕۆژهیێ “هەژمارا من” نینن و ئاشكهراكرنا ڤی بابهتی ژی بۆ موزایهدهیه، ئهگهر نه “هەژمارا من” سهركهفت و “تەوتین” ب دووماهی هات.
ل گۆری پهیجێ “هەژمارا من”، نێزیكی 600 هزار مووچهخۆران كارتێن خوه یێن بانكی د چوارچووڤهیێ ڤی پڕۆژهی دا وهرگرتینه، ههروهسا 90% ژ فهرمانبهرێن مهدهنی ل پارێزگهها سلێمانیێ “هەژمارا من” تژی كرییه.
شڤان محهمهد رۆستهم، ئهندامێ جڤاتا نوونهرێن عیراقێ ژ فراكسیۆنا پارتی، راگههاندیه، “هەژمارا من چهسپا و ژبلی چهندین كهسێن لابهلا چ كهس تێبینی لسهر نینن، مهعقوول نینه دژایهتیا ژێرخانا بهێزا ئهلهكترۆنی یا كوردستانێ بێته كرن.”
شڤان محهمهد، د بێژیت: “هەژمارا من چ گرفت نینن و د داهاتی دا دێ ببیته ئهگهرێ گهشهیا ئابووری یا كوردستانێ.”
هەژمارا من، ئێك ژ پڕۆژهیێن كابینهیا نههێ یا حكومهتا ههرێمێ و پارتی دیموكراتی كوردستان وهكو دهستكهفت بانگهشێ بۆ دكهت. پڕۆژه بریتییه ژ بانكیكرنا مووچهیێ مووچهخۆرێن ههرێمێ ئهو ژی ب رێیا ڤهكرنا هەژمارا بانكی ل چهندین بانكێن بازرگانی ل ههرێمێ و ههروهسا بانكا بازرگانی یا عیراقێ كو بانكهكا حكوومی یه.