کوردستان
سەرۆک مەسعود بارزانی سەرەخۆشی ل خێزانا نەسیڕ جادرچی کر ب بۆنا کۆچا دووماهیا وێ ڤە
2026-09-15 , 06:41
رێزدار خێزانا خودێ ژێخۆشبووی نەسیڕ جادرچی
ب خەم و پەژارەیەكا مەزن مە هەوالا کۆچا دووماهیا خودێ ژێخۆشبووی نەسیڕ جادرچی پەیڤی، ئەو کەسایەتییا سیاسی و نەتەوەیی یا عێراقی، و ئێك ژ وان رووخسارێن ناڤێ وان ب دیروکا بزاڤا دەمۆکراتخواز و سیاسی ل عێراقێ ڤە گڕێدایی.
عێراقێ ب کۆچا دووماهییا وی کەسایەتییەک ژ دەست دا کو ب هەڵوێستێن نەتەوەیی و باوەریا خوە ب دەمۆکراسی و پەیڕەویا چەندلایەنی دهاتە نیاسین، و ب وێ دیتنا بەرپرسیار یا کو ل دەرهەقا پرسێن عێراقێ و گەلێ وی هەبووی، و ل پێشیا وان ژی رێزگرتن ل مافێن گەلێ کوردی و هەرێما کوردستانێ.
و ئەم دەمێ ب رێزڤە هەڵوێست و پشکدارێن وی د ژیانا سیاسی یا عێراقێ دا ب بیر دئینین، ئەم بۆ وە و خێزانا وی یا بەرێز و کەس و کار و خۆشتڤییێن وی سەرەخۆشییا خوە یا ژ دڵ و هەڤخەمیا خوە یا راستەقینە دیار دکەین، ژ خودایێ مەزن دپارین کو خودێ ژێخۆشبووی ب دلۆڤانیا خوە یا بەرفرهەه شاد بکەت، و بێخیتە بهوشتا خۆ یا بەرفرهەه، و سەبر و هەوارێ بدەتە وە.
هەمەیێن خودێ نە و ئەم بۆ خودێ ڤەدگەڕین
مەسعود بارزانی
14 ئایلۆرا 2026ێ